الاتصال بادارة الشبكة الصفحة الرئيسية للنادي

 


تذكرني
 


المشاركة في الموضوع
 
خيارات الموضوع بحث في هذا الموضوع
  1  
قديم 08-20-2012, 09:20 PM
عباس طريم
برلماني
الصورة غير متوفرة
 تاريخ التسجيل: Feb 2012   المشاركات:  99 
عباس طريم is on a distinguished road    عباس طريم is offline      الى الاعلى
افتراضي لا تمد للنذل جف اتصافحه

لا تمد للنذل جف اتصافحه]ا]

شعر عباس طريم
___________

لا تمد للنذل جف اتصافحه

ذيب يغدر والغدر اطباعه

يرجع ايطحنك مثل طحن الرحه

وانت بيده اتضوي كالولاعه

صير مثل الطير حطلك اجنحه

واشرد ابعيد ,ابارض مناعه

ما يحب بالناس بس اليمدحه

وروحه للشر والاذى نزاعه

لان طيب , كاعك ابمي سابحه

ولان تافه , بور صارت كاعه

كلي جندوب انت تبقه اتسامحه

وهو شايل للحروب اشراعه

من كثر لجماته كلبك ما صحه

ولا تذكرت الجرالك ساعه

اجوي كلبك ,لوم بيه وصارحه

وكله لا يلتفت للي باعه

ذيب جاهز في مخالب جارحه

والوجوه املونه ولماعه

ابد ما ينطي اذن للينصحه

وللي يلعب بيه , يبدي الطاعه

لو حلف بالله واقسم بالضحى

ذيب يبقه وما يغير اطباعه

لا تصدكه ايسوي كل شي الصالحه

ايكول ,وايغير اليكوله ابساعه

شوفه مابي كل دلائل مفرحه

والفرح كل الفرح بوداعه

يعتذر كل يوم وايكول انمحه

الماضي .. ويقدم العذر بانواعه

ويرجع ايدك انذل من البارحه

بالغدر والشر , طويل باعه

هواي شفنه اوجوه بالشر فالحه

اوجوه صفره املونه وخداعه

يجذب اللي ايكول يتغير جحه

اتزيد دكاته وايزيد ابداعه

يا ما كتلك يغدر ولتمالحه

وترجع اتخلي الملح شماعه

راعي صاحب طيب تكسب صالحه

والنذل ما يوم كتلك راعه

وكتلك امن العقل ومن المصلحه

اترد عليه بالمثل صاع ابصاعه

بيدك اتشيل الامان وتمنحه

والوفه والحب تقدم انواعه

وهو يحفرلك كبرصبح وضحه

والشريته من التقارب, باعه

وين افكارك يخايب سارحه

شمال دربك تاه عن اشراعه

حط اصبعك وسط عينه وصارحه

وبالمضن والهسه دكهن .. داعه

ومن يريد اخر جنص ,لتصالحه

نذل , لتظنه يغير اطباعه

وادعي ربك بالصلاة ايسامحه

ولو ايخابر كسر السماعه

شعر
عباس طريم
رد مع اقتباس
  2  
قديم 08-21-2012, 11:47 AM
رأفت الموسوي
برلماني مميز

الصورة الرمزية لـ رأفت الموسوي
 تاريخ التسجيل: Apr 2008   المشاركات:  1,176 
رأفت الموسوي is on a distinguished road    رأفت الموسوي is offline      الى الاعلى
افتراضي رد: لا تمد للنذل جف اتصافحه

اقتباس:
بيدك اتشيل الامان وتمنحه
والوفه والحب تقدم انواعه

وهو يحفرلك كبرصبح وضحه
والشريته من التقارب, باعه

شنو هالأحساس الراقي أخ عباس
أحييك من الأعماق على هذه اللوحه الجميله
دام لنا مداد قلمك وعذوبه حرفك شاعرنه العزيز
تقبل مني كل الود والأحترام
تحياتي
 توقيع  رأفت الموسوي
الوحدة خير من جليس السوء
رد مع اقتباس
  3  
قديم 08-21-2012, 04:45 PM
حسن احمد
مشرف - برلماني مميز

الصورة الرمزية لـ حسن احمد
 تاريخ التسجيل: Oct 2007   المشاركات:  7,688 
حسن احمد is on a distinguished road    حسن احمد is online now      الى الاعلى
افتراضي رد: لا تمد للنذل جف اتصافحه

الاخ المبدع عباس طريم -- انت رئع دوما وارجوا ان تتقبل مني هذه الذي خطر ببالي وحيا من قصيدتك :


لا تمد للنذل جف اتصافحه

وشلون تامن خوية لابن الفاضحة !


وانظر التاريخ من هند وقطام ..
ومرجانة وسمية .. ونسرين وصهاك ..
هم شفت بيهم ابن أم ناصحة !
كلهم اولا د هاذي الباغيات
واتحد نذل امه صالحة !



تحياتي
 توقيع  حسن احمد
"العظيم ينظر إلى الحق والوضيع ينظر إلى الكسب"
رد مع اقتباس
  4  
قديم 08-22-2012, 12:55 AM
عباس طريم
برلماني
الصورة غير متوفرة
 تاريخ التسجيل: Feb 2012   المشاركات:  99 
عباس طريم is on a distinguished road    عباس طريم is offline      الى الاعلى
افتراضي رد: لا تمد للنذل جف اتصافحه

الاستاذ حسن احمد المحترم
تحية رمضانية مباركة .

نبارك لكم حلول ايام العيد السعيد , عيد الخير والبركة . سائلا المولى ان يحفظكم من كل مكروه .
اشكر لك ذالك الرد الجميل , وتلك الابيات الجميلة اللتي تشي بقابلية شعرية رائعة .
ان سعادتي كبيرة لوجود امثالكم من المثقفين على صفحتي .

تحياتي
اخوكم
عباس طريم
رد مع اقتباس
  5  
قديم 08-22-2012, 08:49 AM
عباس طريم
برلماني
الصورة غير متوفرة
 تاريخ التسجيل: Feb 2012   المشاركات:  99 
عباس طريم is on a distinguished road    عباس طريم is offline      الى الاعلى
افتراضي رد: لا تمد للنذل جف اتصافحه

الاديب ,الاستاذ رافت الموسوي المحترم .
عيد مبارك .

نبارك لكم حلول ايام العيد المبارك . نسال الباري عز وجل ان يعيده عليكم بالخير والبركة,
و يسدد خطاكم , ويحفظكم جميعا .
واود ان اشكرك على كلماتك الجميلة .. واللتي نفرح بها كونها من اديب ينحاز الى وهج الجمال , ويقدر التفرد في الاعمال الادبية اللتي لا يقدرها الا اصحاب الاختصاص .

تحياتي

اخوك
عباس طريم
رد مع اقتباس
  6  
قديم 08-22-2012, 03:07 PM
حسن احمد
مشرف - برلماني مميز

الصورة الرمزية لـ حسن احمد
 تاريخ التسجيل: Oct 2007   المشاركات:  7,688 
حسن احمد is on a distinguished road    حسن احمد is online now      الى الاعلى
افتراضي رد: لا تمد للنذل جف اتصافحه

الاخ العزيز عباس -- اسعد ربي ايامكم واعاده عليكم بالخير والسعاده --
اشكرك اخي على التهنئة وعلى مشاعرك الاخوية الحميمة



الف تحية
 توقيع  حسن احمد
"العظيم ينظر إلى الحق والوضيع ينظر إلى الكسب"
رد مع اقتباس
  7  
قديم 08-30-2012, 02:26 PM
حسن احمد
مشرف - برلماني مميز

الصورة الرمزية لـ حسن احمد
 تاريخ التسجيل: Oct 2007   المشاركات:  7,688 
حسن احمد is on a distinguished road    حسن احمد is online now      الى الاعلى
افتراضي رد: لا تمد للنذل جف اتصافحه

اقتباس:
لان طيب , كاعك ابمي سابحه

ولان تافه , بور صارت كاعه

كلي جندوب انت تبقه اتسامحه

وهو شايل للحروب اشراعه

من كثر لجماته كلبك ما صحه

ولا تذكرت الجرالك ساعه

اجوي كلبك ,لوم بيه وصارحه

وكله لا يلتفت للي باعه

ذيب جاهز في مخالب جارحه

والوجوه املونه ولماعه

ليت دعاة عفا الله عما سلف يتذكرون افعال الغادرين قبل !
تحياتي
 توقيع  حسن احمد
"العظيم ينظر إلى الحق والوضيع ينظر إلى الكسب"
رد مع اقتباس
  8  
قديم 09-07-2012, 02:16 PM
سوران الكوردي
برلماني مميز

الصورة الرمزية لـ سوران الكوردي
 تاريخ التسجيل: May 2010   المشاركات:  790 
سوران الكوردي is on a distinguished road    سوران الكوردي is offline      الى الاعلى
افتراضي رد: لا تمد للنذل جف اتصافحه

قصيده رائعه لواقع عراقي ماساوي

شكرالك ياغالي
رد مع اقتباس
  9  
قديم 09-22-2012, 07:31 AM
عباس طريم
برلماني
الصورة غير متوفرة
 تاريخ التسجيل: Feb 2012   المشاركات:  99 
عباس طريم is on a distinguished road    عباس طريم is offline      الى الاعلى
افتراضي رد: لا تمد للنذل جف اتصافحه

اخي العزيز سوران الكوردي المحترم

شكرا لك , ولمرورك الكريم .. ولكلماتك الجميلة ... واللتي تظل عالقة بالذهن , كونها تدفع الكاتب الى المزيد من الابداع والتالق , ليكون عند حسن ظن الجميع .

اشكرك ثانية .. مع خالص مودتي
رد مع اقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الانتقال السريع



Powered by vBulletin Version 3.5.4
Copyright ©2000 - 2014, Jelsoft Enterprises Ltd.
كافة الحقوق محفوظة الى شبكة البرلمان العراقي